All posts by vosh58

Exhibition

flyer

Icelandic Experiment
Skúlptúrar og málverk
Laugardaginn 21. og sunnudaginn 22. Júní kl. 15-17
Gúttó, Sauðárkrókur

Þrír alþjóðlegir listamenn í listamannadvöl í Nes Listamiðstöð, Skagaströnd halda sameiginlega sýningu til að deila reynslu sinni af norðlægum slóðum.

Aimee Odum er myndhöggvari frá Bandaríkjunum með bakgrunn í leirlist og ástríðu fyrir könnun á þrívíddareiginleikum mismunandi efna . Hún hefur verið í tveggja ára listamannadvöl sem leirlistamaður í Bandaríkjunum og er nú í Mastersnámi í myndlist við Háskólann í Arkansas. Niðurbrot hluta, að fjarlægja þá frá sínu upprunalega hlutverki og endurskapa til fagurfræðilegrar túlkunar er drifkrafturinn í list Odum. Mismunandi form og yfiborð gefa tilvísun í mannlega eiginleika styrks og viðkvæmni. Áhugi á einstökum eiginleikum landslagsins brýst einnig gegnum heildarmynd verka hennar og myndar  samband milli umhverfis og mannlegrar upplifunar. Í dvöl Odum í Nesi hefur hún haldið áfram að kanna hvernig einstaklingar upplifa umhverfi sitt á mismunandi hátt og túlkað rannsóknir sínar gegnum sviðsetningu, afstöðu og uppbyggingu hluta.

Jeremy Pailler hannar sín eigin frásagnakort af Íslandi út frá þeim tilfinningum sem hann upplifði skref fyrir skref á ferð sinni um landið. Seríur hans af blekmálverkum sýna litríka og persónulega könnun hans á landinu. Hann býr í Frakklandi þar sem hann vinnur sem myndskreytari og kvikmyndagerðarmaður.  Þetta er fyrsta sýning hans á Íslandi.

Thany Sanches málar portrett bæði af íbúum Skagastrandar og vinum sínum fá Sao Paulo. Hún hefur málað nánustu vini sína úr fjarlægð með hjálp tækninnar og samkiptamiðla eins og Skype. Íbúar Skagastrandar, ókunnugir Sanches, voru málaðir á staðnum, augliti til auglitis með það í huga að kanna með málverkaröðinni fjarlægð og einangrun í mannlegum samskiptum. Thany Sanches er fædd árið 1986 í Sao Paulo, þar sem hún býr og starfar.

Námskeið: Aðferðir og tækni í vatnslitamálun

Myvatn
Kennari: Jérémy Pailler
Verð: Frítt
Tímalengd: 3 klst
Hámarksfjöldi þáttakenda: 5
Tímasetning: Laugardagur 14. Júní kl. 13.00-16.00
Staðsetning: Gúttó, SauðárkrókiJérémy Paller er með diploma í Sjónrænum samskiptum (Visual Communication), meistaragráðu í Teiknimyndagerð (Animated Features Practices) og vinnur nú að Doktorsgráðu þar sem hann rannsakar frásagnaraðferðir mynda og kvikmynda. Hann vinnur sjálfstætt sem listamaður, grafískur hönnuður og kvikmyndagerðarmaður í heimaborg sinni, Limoge í Frakklandi, þar sem hann hefur haldið nokkrar sýningar á verkum sínum. Fyrsta stutta teiknimyndin hans er sýnd á ýmsum kvikmyndahátíðum vítt og breitt um heiminn. Fókusinn í verkum Jérémy er að segja sögur í gegnum sköpun sína. Frekari upplýsingar um listamanninn má finna á vefslóðinni: http://jeremy-pailler-art.blogspot.com/

Námskeið: Að skilja aðferðir og tækni í vatnslitamálun og móta sína persónulegu aðferð við notkun vatnslita. Námskeiðið er í tveimur hlutum; kenningar og verklegar æfingar. Þáttakendur munu skoða hreyfingu ljóss, hlutverk litanna auk uppbyggingar málverksins.

Þáttakendur þurfa að hafa með sér
• Úrval af vatnslitapappír
• auk þess ýmiskonar annan pappír til að prófa möguleikana
• Vatnsliti og/eða litað blek
• Útval af mismunandi penslum, aðallega hringlaga pensla, í ýmsum stærðum
• Krukku fyrir vatn
• Hreinar tuskur
• Nóg af hreinu þerriefni (þurrkum, eldhúsbréfi eða þ.h. )
• Málningateip

Námskeiðið mun fara fram á ensku
Skráning á námskeiðið sendist á erlaei72@gmail.com með uppl. um nafn og símanr. Einnig má hringja í síma 6987937, Erla Einars.